Bakı 2017 Oyunları Milli Olimpiya Komitələri üçün Açıq Gün keçirir

26 yanvar 2017
cityview2.jpg

IV İslam Həmrəyliyi Oyunlarına hazırlıq işlərinin davamı olaraq bu gün Azərbaycan İslam Həmrəyliyi Oyunlarının Əməliyyat Komitəsi (AİHOƏ) 39 İslam dövlətinin Milli Olimpiya Komitələrinin (MOK) üzvlərini qəbul edib.

MOK-lərdən olan iştirakçılar IV İslam Həmrəyliyi oyunlarının başlanmasına qalan bu müddət ərzində mühüm əhəmiyyət kəsb edən sualları müzakirə etməklə bərabər, eyni zamanda hazırlıq işləri ilə daha yaxından tanış olmaq məqsədi ilə idman oyunlarının keçiriləcəyi yarış məkanlarında da olacaqlar.

Azərbaycan MOK・nin vitse-prezidenti və İslam Həmrəyliyi İdman Federasiyası・nin 2-ci vitse-prezidenti Dr.Çingiz Hüseynzadə bildirdi:

"Bakı 2017 üçün bu cür müstəsna əhəmiyyətli həftədə Bakıya gələn çoxsaylı qonaqları qarşılamaqdan məmnun olduq. Bakıda keçiriləcək İslam Həmrəyliyi Oyunlarına artıq bir ildən də az vaxt qalmışdır və mən əminəm ki, MOK-lər öz idmançıları üçün yaradılmış imkanlardan məmnun qaldılar və biz gələn il uğurlu bir idman tədbirinin keçiriləcəyinə əminik."

Qeyd edək ki, bu gün keçirilən iclasda Azərbaycan İslam Həmrəyliyi Oyunlarının Əməliyyat Komitəsi 39 İslam dövlətinin Milli Olimpiya Komitələrinin 70 üzvünü qəbul edib.

Redaktorlar üçün qeydlər

IV İslam Həmrəyliyi Oyunları 12 – 22 may 2017-ci il tarixində Bakıda keçiriləcək İslam dünyasını birləşdirən, çoxnövlü maraqlı idman tədbirdir.

Bütün dünyadakı islam dövlətlərindən 5,000 nəfərə qədər idmançı Bakıda 16 müasir yarış məkanında tərkibinə 24 növün (Atletika və Para atletika, Su idmanı – Suya tullanma, Su idmanı – Üzgüçülük, Su idmanı – Su polosu, Basketbol 3x3, Futbol, Bədii gimnastika – Ritmik gimnastika, Uşu, Stolüstü tennis, Həndbol, Cüdo və Para cüdo, Yunan-Roma güləşi – Sərbəst güləş, Atıcılıq, Tennis, Voleybol, Boks, Zorxana, Karate, Taekvondo və Ağır atletika) daxil olduğu 20 fərqli idmandan ibarət 12 günlük yarışda öz ölkələrini təmsil edəcəklər.

2013 – cü ilin iyulunda Ciddə şəhərində İslam Həmrəyliyi İdman Federasiyasının (İHİF) Baş Assambleyasında Oyunların Azərbaycanın paytaxtı Bakı şəhərində keçirilməsi qərara alınmışdır.

Azərbaycan Respublikasının Prezidenti cənab İlham Əliyevin fərmanı ilə Təşkilat Komitəsi yaradılmış və Təşkilat Komitəsinə rəhbərlik Azərbaycanın Birinci Xanımı Mehriban Əliyevaya həvalə edilmişdir. Azərbaycan İslam Həmrəyliyi Oyunlarının Əməliyyat Komitəsi (AİHOƏ) Oyunları İHİF ilə əməkdaşlıq edərək təşkil edəcək və keçirəcək.

Rəsmi tərəfdaşlar
microplus.png bp.png
RƏSMİ DƏSTƏKÇİLƏR
C:\Users\Artunj.Behbudlu\Desktop\iTicket.az Logo Vector-01.png fresco.png milla-logo.png C:\Users\Artunj.Behbudlu\Desktop\RMH000_DotCOM_pix_hor_RGBp.png