5 mart münasibətilə turnir keçirildi

5 mart 2017
NDA_0414.JPG NDA_0408.JPG NDA_0623.JPG

Martın 4-də Gənclər və İdman Nazirliyinin (GİN) əməkdaşları, idmançılar, kütləvi informasiya vasitələrinin nümayəndələri və tanınmış estrada ulduzları arasında peyntbol idman yarışı keçirilmişdir.

Yarış GİN və Milli Olimpiya Komitəsinin təşkilatçılığı ilə keçirilib və 5 Mart – Bədən Tərbiyəsi və İdman gününə həsr olunmuşdur.

GİN-in sektor müdiri Aydın Məmmədov tədbir haqda danışarkən demişdir: “Azərbaycan Respublikasının Prezidenti cənab İlham Əliyevin hələ 1997-ci ildə Milli Olimpiya Komitəsinin rəhbəri seçilməsindən sonra ölkəmizdə idmana, bədən tərbiyəsinə diqqət daha da artırılmışdır. İdmanın maddi-texniki bazasının möhkəmləndirilməsinə, idmançıların peşəkar səviyyədə hazırlanmasına göstərilən dövlət qayğısı çox qısa bir vaxtda öz müsbət nəticəsini vermişdir. Təsadüfi deyil ki, Respublika Prezidenti İlham Əliyevin və Birinci vitse-prezident Mehriban Əliyevanın ölkəmizdə idmana və idmançılara göstərdikləri bu diqqət və qayğı bütün idmansevərlər tərəfindən yüksək qiymətləndirilir.”

Xatırladaq ki, bu tarix Azərbaycan Prezidenti cənab İlham Əliyevin “Bədən tərbiyəsi və idman gününün təsis edilməsi haqqında” 2005-ci il 4 mart tarixli Sərəncamına əsasən qeyd edilir. Azərbaycanda Bədən tərbiyəsi və idman gününün martın 5-də qeyd olunması da təsadüfi deyildir. Məhz 1995-ci ilin martın 5-də ulu öndərimiz Heydər Əliyev Bakı İdman Sarayında Dünya və Avropa çempionatlarının qalibləri və mükafatçıları ilə görüşmüş, İdman Fondunu təsis etmiş, eləcə də bədən tərbiyəsi və idmanın inkişafında yeni strategiyanın təməlini qoymuşdur.


Rəsmi tərəfdaşlar
microplus.png bp.png
RƏSMİ DƏSTƏKÇİLƏR
C:\Users\Artunj.Behbudlu\Desktop\iTicket.az Logo Vector-01.png fresco.png milla-logo.png C:\Users\Artunj.Behbudlu\Desktop\RMH000_DotCOM_pix_hor_RGBp.png